Sindh Police Women Protection cell App Ready to Launch

19

سندھ پولیس کے ویمن پروٹیکشن سیل کے تحت موبائل ایپ تیارکر لی گئی ہے، موبائل ایپ پر خواتین جسمانی تشدد، ہراسگی، طلاق کے مسائل، جبری شادی، گھریلو تنازع ، بچوں کی دیکھ بھال ،جہیز، کم عمری کی شادی،بچوں کی حوالگی سے متعلق شکایات درج کراسکیں گی، منصوبے کے تحت ویب سائٹ اورکراچی سمیت سندھ بھر میں 34 دفاتر قائم کیے جائیں گے خواتین کی آسانی کیلیے فری ہیلپ لائن 9110 کا استعمال کیا جائے گا۔

خواتین موبائل ایپ پر مختلف طریقوں سے باآسانی شکایات درج کراسکیں گی اور اپنی شکایات کو آن لائن ٹریک بھی کرسکیں گی، شکایت کنندہ کو اپنی شکایت سے متعلق ہونے والی پیشرفت سے بذریعہ ایس ایم ایس آگاہ رکھا جائے گا،شکایات کی مانیٹرنگ اور ازالہ کیا جائے گا، شکایت کنندہ موبائل ایپ پر تصویر، وڈیو، آڈیو پیغام اوردستاویز بھی اپ لوڈ کرسکیں گے۔