Pakistan became the first Asian country to introduce portable MRI

35

کراچی: پاکستان پورٹیبل ایم آر آئی سسٹم متعارف کرانے والا پہلا ایشیائی ملک بن گیا، آغا خان اسپتال میں پورٹیبل ایم آر آئی (میگنیٹک ریزوننس امیجنگ) سسٹم جیسی سہولت متعارف کروادی گئی۔

یہ پورٹیبل ایم آر آئی سسٹم براہ راست مریض کے سرہانے تک پہنچایا جاسکتا ہے جس کی مدد سے مریض کا ایم آر آئی کرنا بے حد آسان ہو گیا ہے۔ پورٹیبل ایم آر آئی مشین کی مدد سے متعدد بار مریض کے دماغ کی تصاویر باآسانی لی جاسکیں گی، پورٹیبل ایم آر آئی مشین انتہائی نازک صورتحال میں مبتلا مریضوں کے سرہانے تک لے جائی جاسکتی ہے۔

آغا خان یونیورسٹی اسپتال کی جانب سے جاری اعلامیے کے مطابق پاکستان ایشیا کا پہلا اور دنیا کا تیسرا ملک (بشمول امریکا) بن گیا ہے جہاں پورٹیبل ایم آر آئی (میگنیٹک ریزونینس امیجنگ) سسٹم جیسی سہولت متعارف کروائی جارہی ہے، یہ پورٹیبل سسٹم براہ راست مریض کے سرہانے تک پہنچایا جاسکتا ہے جس کی مدد سے مریض کا ایم آر آئی کرنا بے حد آسان ہو گیا ہے۔