ماہرہ خان کی جانب سے پوسٹ ہونے والی ویڈیو میں دیکھا جا سکتا ہے کہ اداکارہ سلیبرٹی میک اپ آرٹسٹ کے لیے محبت بھرے الفاظ کا اظہار کررہیں ہیں۔
خیال رہے کہ بابر ظہیر پاکستان شوبز انڈسٹری کے معروف ہیئر اسٹائلسٹ اور میک اپ آرٹسٹ ہونے کے ساتھ ماہرہ خان کے بہت اچھے دوست بھی ہیں۔
اداکارہ نے ویڈیو میں میک اپ آرٹسٹ بابر ظہیر کو ان کی سالگرہ پر مبارکباد پیش کی۔
ماہرہ کی جانب سے بابر ظہیر کو بھیجے گئے ویڈیو پیغام مبارکباد کے ساتھ پوسٹ بھی شیئر کی گئی۔
پوسٹ میں ماہرہ کا کہنا تھا کہ میرے جگر کا ٹکڑا میرا بابر! تم واقعی جانتے ہو کہ تم میرے لیے کتنے اہم ہو، میں شکر گزار ہوں کہ ہم ایک دوسرے کو ملے۔
علاوہ ازیں ماہرہ نے کہا کہ ’میری دُعا ہے کہ ہماری یہ دوستی محبت، مسکراہٹ، عزت ،رقص اور موسیقی سے بھری رہے۔‘
ماہرہ خان نے اپنی پوسٹ کے اختتام میں بابر ظہیر کو سالگرہ کی مبارکباد دیتے ہوئے کہا کہ ’میں ہمیشہ آپ سے محبت کرتی رہوں گی۔‘
دوسری جانب بابر ظہیر نے ماہرہ کی پوسٹ پر کمنٹ کیا کہ ’میں الفاظ میں بیان نہیں کرسکتا ہوں کہ میں آپ سے کس قدر محبت کرتا ہوں۔‘
